刺激感官!爆發創意!立體乾花拼貼畫藝術
眼前一幅花田美景，你可以用相機將風景記錄落黎，但當中既香味同質感，唔通只可以靠記憶保存？
我哋留住美艷花朵燦爛盛放的一剎，以風乾方式將花的美態長久保存，製成高質的乾花花材，並且將美感帶往更高層次，以乾花拼砌出心愛圖案。
風景、人像、卡通、公仔、動物、植物…
想得到就做得到，俾你無盡空間發揮創意!
可以睇、可以聞、可以摸…
一幅畫滿足您幾個感官，刺激您無窮嘅小宇宙。
項目 admin
Ukulele夏威夷小結他Art Jamming
彈彈彈彈彈…
點解Ukulele夏威夷小結他活動來來去去都係彈下歌? (順帶一提，我哋都有開呢個工作坊)
畫畫畫畫畫…
點解Art Jamming活動來來去去都係畫下畫? (順帶一提，我哋都有開呢個工作坊)
遇到咁嘅情況，我哋嘗試將兩樣嘢撈埋，睇下會唔會有化學反應，撞咗啲有新意嘅嘢出嚟。
真係有!
為你推介將Ukulele夏威夷小結他融入Art Jamming嘅稀有手作，集「視」「聽」娛樂於一身嘅: Ukulele夏威夷小結他Art Jamming!
超高質羊毛氈仿真動物公仔/首飾
寵物活靈活現! 超高質羊毛氈立體仿真動物公仔擺設、首飾工作坊。
教學/作品質素遠超同行嘅香港羊毛氈手作達人，採用純天然羊毛製作，教你點樣用支針挑挑剔剔將羊毛結合成毛神神、軟淋淋、暖笠笠既立體仿真動物公仔擺設/首飾!
呢個可能係羊毛出自羊身上之後第一個唔係用嚟造衫都大受歡迎嘅製成品！
有無興趣做佢既監製？
超高質羊毛氈立體仿真寵物相架
寵物栩栩如生! 超高質羊毛氈立體仿真寵物相架工作坊。
羊毛氈原來除咗可以瞓覺用嚟取暖之外，仲可以栩栩如生咁將你嘅寵物活靈活現放喺你嘅枱上面，等你返緊工轉個面就可以見佢一面！
教學/作品質素遠超同行嘅香港羊毛氈手作達人，教你點樣用支針挑挑剔剔將羊毛結合成毛神神、軟淋淋、暖笠笠既仿真寵物立體圖案製成座枱立體仿真寵物相架!
呢個可能係羊毛出自羊身上之後第一個唔係用嚟造衫都大受歡迎嘅製成品！
有無興趣做佢既監製？
任何公仔!優質羊毛氈公仔/動物
認真: 只要你喜歡，我地樂意為你深入硏究相關技術，度身訂造教授製作任何羊毛氈公仔款式！
無論係迪迪尼、NINE、Emoji、小精靈，定係3眼仔、壞蛋獎門人、蛋黃哥…老土嘅定係潮嘅，動物定係昆蟲，只要你諗得出，就算係你公司logo，我哋都會積極研究，務求給你一個與眾不同，迎合你們口味嘅優質羊毛氈公仔飾物工作坊！
淨係呢個以客為先嘅服務態度，就已經圓勝其他對手，值得你俾個機會我哋為你哋服務啦!
何況全程指導整個工作坊嘅仲係技藝、作品質素超班嘅羊毛氈手作達人!
爆趣傳統技藝!黑白相片上色體驗
係呢個資訊數碼科技發達嘅年代，你可能會覺得彩色嘅相無咩特別，用Photoshop P一P就輕鬆配上顏色。
但係以前來講，彩色相係好珍貴嘅物品，因為需要人手一筆一畫咁為相片填上顏色，少啲心機同時間都唔得！
但呢種上色嘅技巧隨著時間過去亦都開始慢慢失傳，所以熱愛傳統技藝嘅你就要快啲嚟學下啦！
天然物料+手動織布機!編織咭片套
天然環保物料! 可愛手動織布機! 手工編織咭片套、小袋仔工作坊。
用織布機織布聽就聽得多，自己又試過用嚟織唔同製品未？機會嚟啦飛雲！宜家就教大家點樣用天然同環保嘅物料，用小型手動織布機編織一個全世界獨有嘅咭片套、小袋仔，滿足哂你想好玩又實用嘅兩個願望啊！
歐美流行!Pop Art普普藝術畫Art Jam
Pop Art普普藝術係咩嚟？有無印象見過啲畫將毛主席、瑪莉蓮夢露、金寶湯畫到五顏六色？嗰啲都係Pop Art 普普藝術大師Andy Warhol嘅成名作！
Pop Art普普藝術，其實係一個探討通俗文化與藝術之間關連嘅藝術運動。
普普藝術試圖推翻抽象藝術而轉移以商標、明星、劃時代的人與物為主題，期望令藝術更貼近大眾文化。
想唔想親身感受下Pop Art嘅精髓？想唔想親手畫番幅有Andy Warhol影子、主題通俗、顏色奪目、對比強烈嘅畫作？Call我哋啦！
羊毛氈動物公仔patpat飾物
點解全世界嘅羊毛氈動物公仔工作坊都係整動物個頭？
點解唔可以有個羊毛氈動物公仔工作坊係整動物個屁股?
就係呢種挑戰現實境況、不滿足現狀嘅「Why not？」態度令「作樂學院」誕生。
我哋憑住同樣態度，為你帶來別樹一格嘅作品，為你帶來與眾不同嘅體驗。
呢個羊毛氈工作坊唔係單單一個工作坊咁簡單，佢仲代表住我哋要為「搞活動」呢個市場環境帶來改變嘅決心。
世上少有!羊毛氈點心/星空畫杯墊
救命呀!!! 生活好沉悶呀!!! 點解連玩下d羊毛氈手作娛樂下，d羊毛氈工作坊作品都係好似倒模咁單調沉悶，無嚟特色?!「作樂學院」完全接受唔到囉!
所以，今次隆重推介嘅係世上少有嘅優質羊毛氈作品: 迷你點心、星空畫杯墊!
擺脫routine，突破框框，係時候make a difference!