精美又天然嘅空氣清新劑! 精油擴香石工作坊。
市面上的空氣清新劑化學成份高，對身體及自然環境造成極大傷害!
手工精油擴香石，能抵受高溫，具吸濕功效。配搭不同的純天然精油，手工精油擴香石不但散發你喜愛的香氣，亦為你帶來所需的功效。想提神? 想安眠? 想減壓? 想放鬆? 想驅蟲? 悉隨尊便。
手工精油擴香石可塑性亦十分高，可按個人喜好加上裝飾與心意字句，令製成品更精美更有特色。
手工精油擴香石可置放或吊掛於房間、桌面、BB車等，亦可配合夾子，夾在冷氣或汽車風口位，用畢可自行添加精油，循環使用。
無乜手作會有咁高嘅實用性、咁強嘅功能。想搞個實用嘅手作活動？識揀啦。
絕無人工化學成分! 100%全天然香水DIY調製工作坊。
有人講過，一個人係身邊經過嘅時候唔係個樣最吸引人注意，而係佢身上嘅味道，所以想成為行係街上面令人回眸嘅對象，一枝香氣獨特嘅香水就絕對唔少得。好似作樂學園咁，一個好嘅香水班除咗可以比學員自由調配富自己色彩嘅配方之外，用料無人工化學成分都好重要㗎！整番個送比女朋友，淨係話為佢親身調配都已經冧死啦～
香港名信片時常出現嘅一幅景象：五光十色嘅霓虹燈牌佈滿繁華街道嘅上空…
演唱會時常被攝影師捕捉嘅片段：粉絲們搖着發光名牌為深愛偶像吶喊打氣…
黑暗角落裡嘅燈牌，就好似漆黑中嘅螢火蟲，茫茫大海裡嘅燈塔，永遠都有一種攝人嘅魔力，令人凝望陶醉…
你面前就有一個珍貴嘅機會，可以親身為自己製作一個充滿個人色彩嘅螢光燈牌。
從此，你唔會再怕黑lu。
細細個嘅時候臨瞓之前，爸爸媽媽都會陪我坐係床邊，一路講好多唔同故事比我聽等我可以發個好夢。大個咗慢慢就要學識獨立，但好彩自己一個嘅時候都可以望一望盞小夜燈，裡面嘅小故事場景就好似令時光停留係無拘無束嘅童年一樣，安撫一日落嚟嘅勞累，安心咁一覺瞓到大天光。
貓貓狗狗都係天性好動嘅動物，經常將佢哋困係狹小空間嘅話會被投訴㗎(被佢哋投訴)!
一於就喺日常生活取材，親身創作、親手製作自家愛心牌嘅玩具俾心愛嘅主子，有愛心又有心思!咁就唔洗驚佢哋做屋企嘅破壞王，日後服侍主子嘅生涯都無咁辛苦啦!
我哋愛心爆棚嘅寵物玩具達人導師會一人分飾兩角:
一邊教授貓奴以顏色繽紛嘅優質絨布配上針線，親手縫製外形極之吸引嘅漢堡包/冬甩，再將香氣四溢嘅貓草填滿核心，挑戰一眾閒時對主人不抽不睬嘅高竇貓咪。
另一邊廂，導師會指導狗仔主人以色彩艷麗、秀氣並重嘅綿布/絨布，親手以獨特交錯的紋理，編織出大狗宣洩暴力嘅恩物: 實淨粗大狗狗綿布玩具，同埋細狗鍛鍊牙力嘅寶品: 彈力精緻狗狗絨布玩具。
無論你養嘅係大貓、大狗、細貓、細狗，都包保你同你嘅寵物滿載而歸。
花總有一天會凋謝。以鮮花壓製而成的押花，能保持花的美態和鮮艷的色彩，課堂教授將押花配合透明度高的水晶滴膠，製作成名式各樣優雅的酒精/香水噴霧瓶。疫情期間，人人出外都需要隨身攜帶消毒噴霧，快啲製作一件專屬個人嘅噴霧樽。
Dream Catcher「捕夢網」係源於北美印第安民族嘅手藝文化，意思係「捕捉好夢，阻擋惡夢」，壞夢遇見陽光時就會消失，而好夢就會留喺網上成真。
後來流傳下來，就變成一份寄語關心嘅禮物，象徵平安好運，希望鼓勵對方可以勇於追求夢想，對任何事物都保持熱情，並且堅信好事終會降臨。
將捕夢網送給你喜愛的人，係一份真心滿載嘅誠意。
編織捕夢網嘅過程亦都可以令你放下煩囂，帶走成品之餘，也帶走一顆滿足的心。
天然環保物料! 可愛手動織布機! 手工編織咭片套、小袋仔工作坊。
用織布機織布聽就聽得多，自己又試過用嚟織唔同製品未？機會嚟啦飛雲！宜家就教大家點樣用天然同環保嘅物料，用小型手動織布機編織一個全世界獨有嘅咭片套、小袋仔，滿足哂你想好玩又實用嘅兩個願望啊！