傳 統 手 工 藝 傳 承: 打 鐵 手 造 金 銀 銅 飛 機 吊 飾
摺紙飛機就摺得多喇！摺鋁鐵造既飛機有無試過呀？
係咪幻想唔到鐵都可以用黎摺飛機呢？
「打白鐵」係香港傳統既一門手工藝，盛載住香港既回憶…
可惜傳統手工藝受不住時間既衝擊，於年青一代中漸漸式微。
我哋珍惜機會一齊體驗打白鐵! 一齊落手落腳造隻金屬飛機吊飾! 一齊守護呢門傳統工藝！
工 作 坊 特 色
• 認識傳統打白鐵行業文化，傳承白鐵工藝，進一步了解這行業的手藝與智慧
• 提供3種金屬材料選擇: 黃銅/鋁/紅銅，製作金色/銀色/銅色作品，讓參加者可按個人喜好自由配襯心愛顏色飛機
• 提供15 x 10cm 金屬材料，參加者可於工作坊自由創作其他吊飾作品款式，讓你發揮腦海中無窮小宇宙、無限想象力，造出百分百個性化吊飾
• 手打金屬飛機吊飾不易生鏽，放響Office枱頭美觀、懷舊又有趣
• 金屬飛機吊飾可作鎖匙扣或頸練，配襯日常衣著，型格時尚; 將傳統工藝提升至潮流服飾配件，實現最高層次的保育：重新將舊物融合生活！
工 作 坊 內 容（工作坊編號#HC111）
• 講解打白鐵文化、歷史及故事
• 分享打白鐵行業趣事、運作及工藝步向式微的種種因素
• 講解白鐵工具的應用，示範手打金屬飛機吊飾，傳授過程中特別技倆
• 教授傳統應用於不同金屬的摺合竅門
• 親身體驗打白鐵樂趣，親手打造2隻或以上金屬飛機吊飾，參加者亦可自由創作其他吊飾作品款式
專 業 導 師
• 白鐵工藝師，從事白鐵工程30多年
• 擅於製作各式各樣具本土特色的白鐵紀念品
• 熱衷社區文化推廣，對宣揚保護本土文化充滿熱誠，
• 致力傳承、活化、推廣打白鐵工藝，以創意活化打白鐵工藝長達八年
• 長期與理工大學設計學系合作，擁有豐富指導大量參加者的經驗
